Rusiya Ukraynanın Xarkov vilayətinin Kupyanski rayonunun Şevçenkove kəndindəki bazara raket  zərbələri endirib.

Oxu24.com Ukrayna mətbuatına istinadən xəbər  verir   ki,  ilkin məlumata görə, atəş S-300 zenit-raket kompleksindən həyata keçirilib.

Bu barədə Xarkov Vilayət Hərbi Administrasiyasının rəhbəri Oleq Sinegubov özünün Telegram kanalında bildirib.

Rusiyanın zərbəsi nəticəsində biri 13 yaşlı qız olmaqla 7 mülki şəxs yaralanıb. Bundan başqa 60 yaşlı qadın ölüb.

Sinequbovun sözlərinə görə, hadisə yerində bütün təcili yardım xidmətləri işləyir. Xilasedicilər dağıntılar altında  qalanları  xilas  etməyə  davam edir.

Tərcümə: Miri Məcidli