SON DƏQİQƏ! Rusiya üçün böyük şok: FSB-nin bazası vuruldu

Ukrayna ordusu işğalçı Rusiya qüvvələrinə ağır zərbə vurub.

Oxu24.com xəbər  verir  ki,Melitopol meri İvan Fedorov bildirib ki, Ukrayna ordusu Zaporojye vilayətinin işğal olunmuş Melitopol şəhərində rus işğalçılarının mühüm bazalarına hücum edib. Xüsusən də şəhərin kənarındakı otel və restoran kompleksində yerləşən  Rusiya FSB-nin bazası darmadağın edilib.

Onun sözlərinə görə, ruslar təşviş içində öz qoşunlarını başqa məntəqələrə və yaşayış məntəqələrinə keçiriblər.

“Ukrayna Silahlı Qüvvələri analitika və məlumat bazalarının saxlanmasına cavabdeh olan FSB əməkdaşlarının məskunlaşdığı otel və restoran kompleksinə zərbələr endirib. Şənbə və bazar günləri Ukrayna Silahlı Qüvvələri işğalçılar üçün “atəşfəşanlıq” nümayiş etdirib. Onların həftə sonu itkiləri onlarla ölü və 200-dən çox yaralı olub. Onların hava hücumundan müdafiəsinin işləmədiyini görürük. İndi də panikaya düşüblər. Nə edəcəklərini bilmirlər. Dünən səhərdən hərbi dəstələrini gizlətmək üçün başqa yerlərə köçürdülər. Mən deməzdim ki, onlar qaçırlar - yenidən yerləşdirilirlər”, - Fedorov bildirib.

Onun sözlərinə görə, Ukrayna hərbçiləri Melitopoldan 20 km aralıda Rusiyanın nəzarət-buraxılış məntəqəsini də vurublar, həmçinin rusların hava hücumundan müdafiə qüvvələrinin hədəflərini izlədiyi və aeronavigatsiyanı həyata keçirdikləri RLS-in yerini məhv ediblər.

 

Tərcümə: Miri Məcidli