Ukraynanın Luqansk vilayətində şiddətli döyüşlər davam edir.
Oxu24.com xəbər verir ki, Ukrayna Silahlı Qüvvələrinin Baş Qərargahının səhər hesabatında bildirilir ki, Sirotino qəsəbəsi ərazisində rus qoşunlarının bir kolonu ukraynalılar tərəfindən məhv edilib.
Ukrayna Silahlı Qüvvələrinin məlumatına görə, Luqansk vilayətinin azad edilməsi üzrə hərbi əməliyyat çətin keçəcək, çünki ruslar bölgədə möhkəmlənməyə nail olublar və “LPR” yaraqlıları və vilayətdən qaçan qüvvələr şəklində dəstək alıblar.
Son məlumatlara görə, Ukraynanın Luqansk vilayətində artıq 12 yaşayış məntəqəsi azad edilib.
Luqansk vilayətinin rəhbəri Sergey Qayday bildirib ki, Ukrayna Silahlı Qüvvələri Svatov istiqamətində sürətlə, lakin ehtiyatla irəliləyir.
Tərcümə: Miri Məcidli
Oxu24.com
ŞƏRHLƏR