"Ordumuz mühüm nöqtələri ələ keçirib" - Son məlumatlar

"Ordumuz mühüm nöqtələri ələ keçirib." Musavat.com xəbər verir ki, bu sözləri Sevinc Telmanqızının aparıcılığı ilə "Tv Müsavat"ın efirində yayımlanan "Canlı Debat" verilişində hərbi ekspert, polkovnik Üzeyir Cəfərov deyib. Onun sözlərinə görə, iki gündür davam edən döyüşlər nəticəsində kifayət qədər ciddi əhəmiyyətə malik olan ərazilər ordumuz tərəfindən nəzarətə götürülüb: "Bizim nəzarətə götürdüyümüz ərazilərdə əlavə üstünlüklərimiz var. Biz bu yerlərdə məskunlaşandan ermənilərin işi daha da çətinləşəcək. Sülh müqaviləsindən isə hələlik söhbət gedə bilməz."