Salyan rayonunda avtomobil aşıb, ölən və yaralananlar var. “Report”un Aran bürosunun məlumatına görə, hadisə yeni Ələt-Astara magistral yolunun rayon ərazisindən keçə hissəsində qeydə alınıb. Belə ki, hərəkətdə olan "Mitsubishi Pajero” markalı avtomobil anidən idarəetmədən çıxıb və yolun kənarındakı dərəyə yuvarlanıb. İlkin məlumata görə, qəza nəticəsində 1 nəfər hadisə yerində ölüb, 2 nəfər müxtəlif dərəcəli bədən xəsarətləri alıb. Yaralılar Salyan Mərkəzi Rayon Xəstəxanasına yerləşdiriliblər. Faktla bağlı araşdırma aparılır. Oxu24.com