Bakının yasamal rayonunda 4 avtomobilin toqquşması ilə nəticələnən yol qəzası baş verib.

Oxu24.com  xəbər verir ki, hadisə Əsəd Əhmədov küçəsində qeydə alınıb. Belə ki,  “Daewoo” markalı minik avtomobilini idarə edən sürücü Abbas Mirzə Şərifzadə küçəsi istiqamətində hərəkətdə olan zaman eyni istiqamətdə olan “Toyota” markalı maşını ötmə monevri ilə keçmək istəyib. Nəticədə toqquşma baş verib.

Yolda nəqliyatın hərəkəti sıx olduğundan  digər “Daewoo Ravon” markalı maşın  digər  ərazidə olan digər “Toyota” markalı  avtomobilə çırpılıb.

Qəza zamanı 2 nəfər xəsarət alıb.

Onlara əraziyə çağırılan təcili yardım briqadası yerində yardım göstərib. Hadisə zamanı ərazidə  tıxac yaranıb. 

Avtomobillər evakuasiya edilib. Əraziyə Yasamal Rayon Polis İdarəsinin əməkdaşları cəlb olunub. 

Faktla bağlı araşdırma aparılır.