ABŞ Prezidenti Co Bayden cümə axşamı rusiyalı həmkarı Vladimir Putinlə telefon danışığı aparmağı planlaşdırır.
"Oxu24.COM” xəbər verir ki, bu barədə CNN telekanalı Milli Təhlükəsizlik Şurasının Ağ Evdəki nümayəndəsi Emili Horna istinadən məlumat yayıb.
Onun sözlərinə görə, belə bir təkliflə Vladimir Putin çıxış edib və Bayden təkliflə razılaşıb. Bildirilir ki, söhbət Moskva vaxtı ilə 23:30-a planlaşdırılıb. Söhbət zamanı Bayden Putinlə bir sıra mövzuları, o cümlədən yanvarın 10-da gözlənilən ABŞ-Rusiya danışıqlarını, eləcə də Rusiya-NATO Şurasının iclasını və ATƏT-də keçiriləcək görüşü müzakirə etmək niyyətindədir.
Putinin mətbuat katibi Dmitri Peskov planlaşdırılan telefon danışığı ilə bağlı məlumatı təsdiqləyib və onun cümə axşamı axşam saatlarında baş tutacağını qeyd edib.
Oxu24.com
ŞƏRHLƏR