Prezident FƏRMAN İMZALADI 

“Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələri üzrə icbari tibbi sığorta ödənişləri və dotasiya məbləği üzrə xərclər azaldılıb.

Oxu24.com-un  xəbərinə görə, bununla əlaqədar Prezident İlham Əliyevin imzaladığı Fərmanla İcbari tibbi sığorta fondunun 2025-ci il büdcəsinə dəyişiklik edilib.

Dəyişikliyə əsasən, “Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələri üzrə icbari tibbi sığorta ödənişləri və dotasiya məbləği üzrə xərclər 1 720 956 292,00 manatdan 1 642 956 292,00 manata endirilib.

Həmçinin oxuyun

DİN əməliyyat keçirib:Onlar həbs edildilər

Binəqədidə "Ölüm lifti": Sakinlərdən pul yığılır, amma təmir yoxdur – VİDEO  

Çoxuşaqlı ailələrlə bağlı yeni təşəbbüs: Kimlər müavinət ala bilər?  

Bu şəxslərə pensiya VERİLMƏYƏCƏK 

Tibb müəssisələrində kadr potensialının gücləndirilməsi ilə bağlı xərclər 6 000 000,00 manatdan 3 000 000,00 manata, işğaldan azad olunmuş ərazilərdə mobil hospitalların saxlanılma xərcləri 2 500 000,00 manatdan 1 000 000,00 manata endirilib.

“Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələrinin dərman, sarğı ləvazimatlarının və materiallarının, maddi-texniki bazasının, kadr təminatının və digər xərclərin maliyyələşdirilməsi üçün ayrılan vəsait 464 765 000,00 manatdan 497 765 000,00 manata qaldırılıb. Dərman, sarğı ləvazimatlarının və materiallarının alınması üzrə xərclər isə 200 000 000,00 manatdan 190 000 000,00 manata, tibb müəssisələri üçün ərzaq məhsullarının alınması və təminatı üzrə xərclər 25 000 000,00 manatdan 21 300 000,00 manata endirilib. Tibb müəssisələri üçün zəruri tibbi avadanlıq və inventarın alınması üzrə xərclər 28 000 000,00 manatdan 63 500 000,00 manata, xidməti və xüsusi təyinatlı nəqliyyat vasitələrinin alınması üzrə xərclər 10 000 000,00 manatdan 21 200 000,00 manata qaldırılıb.

“Tibbi Ərazi Bölmələrini İdarəetmə Birliyi” publik hüquqi şəxsin tabeliyində olmayan tibb müəssisələrinə tibbi xidmətlərə görə sığorta ödənişləri isə 430 000 000,00 manatdan 495 000 000,00 manata yüksəlib. Aptek təşkilatlarına ambulator şəraitdə istifadə olunan dərman vasitələrinə görə sığorta ödənişi 40 000 000,00 manatdan 20 000 000,00 manata enib.