İlham Əliyev yeni geosiyasi reallıqların memarı, qalib Prezidentdir - RƏY 

İlham Əliyev yeni geosiyasi reallıqların memarı, qalib Prezidentdir.

Oxu24.com -un xəbərinə görə, bunu Milli Məclisin bu gün keçirilən iclasında parlamentin İnsan hüquqları komitəsinin sədri Zahid Oruc bildirib.

Zahid Oruc deyib ki, işğal dövründə İlham Əliyevə ünvanlanan təbriklərdə “sabitlik”, “regional əməkdaşlıq”, “enerji tərəfdaşlığı” kimi ehtiyatlı və neytral diplomatik terminlərdən istifadə olunurdu: “İndi eyni dünya liderləri İlham Əliyevi “yeni geosiyasi reallıqların memarı”, “qalib prezident”, “regional nizamın qurucusu və strateq” kimi təqdim edirlər. Təbriklərin dili dəyişib- çünki dövlətimizin siyasi çəkisi artıb və liderin qalib statusu dünyada təsdiqlənib”.

Milli Məclisin deputatı Azər Badamov qeyd edib ki, Vətəni Zəfərə qovuşduran, Zəfəri isə ləyaqət simvoluna çevirən Müzəffər Ali Baş Komandanın yürütdüyü siyasət nəticəsində Cənubi Qafqaz yeni, silah səsləri eşidilməyən bir səmaya şahidlik edir.

Həmçinin oxuyun

SON DƏQİQƏ! İran ballistik raketlə bu ölkəni vurdu

Şimali Koreya 10-dan çox ballistik raket atdı 

Himayəsində azı üç nəfər olan şəxslərin DİQQƏTİNƏ! Hər ay 50 manat...

Bayrama görə bu şəxslərə 450 manat AYRILDI

Parlamentin İctimai birliklər və dini qurumlar komitəsinin sədri Fazil Mustafa hesab edir ki, Prezident İlham Əliyev öz tarixi məsuliyyətini böyük riski qarşısına alaraq yerinə yetirməyi seçən lider kimi tarixdə qalacaq: “Bu gün Azərbaycan Turan quruculuğunun nüvəsini təşkil edir. Zəngəzur dəhlizi Turan quruculuğunun əsasının təşkil edir. Bu gün bizim ən böyük işlərimizdən biri Ermənistanla böyük sülh sazişinin imzalanmasıdır”.

Deputat Vüqar Bayramov nəzərə çatdırıb ki, İlham Əliyevin 22 illik prezidentlik dövründə Azərbaycan iqtisadiyyatı 4 dəfə böyüyüb: “Həmin müddətdə Azərbaycanın xarici ticarət dövriyyəsi 11 dəfə artıb.

Fiskal gəlirlərimiz və eləcə də qeyri-resurs ÜDM-dəki artım faizləri də yüksək artım faizləri ifadə olunur. Bu isə ondan xəbər verir ki, son 22 ildə Azərbaycan Prezidenti İlham Əliyevin rəhbərliyi Azərbaycan iqtisadiyyatındakı və eləcə də digər makro-iqtisadi göstəricilərdəki artım faizi qlobal orta artım faizlərini üstələyib”.

Deputat Mübariz Qurbanlı Prezident İlham Əliyevin rəhbərliyi ilə Azərbaycanın ərazi bütövlüyünü təmin etdiyini söyləyib: “Azərbaycana qarşı olan 200 illik təhdidin qarşısı alındı. Artıq yeni hədəfimiz var. Güclü, zəngin Azərbaycana doğru gedirik”.