Bakı 28°C
USD - 1.7010
EUR - 1.9120
RUB - 0.026
105359
az

Parisdə Azərbaycan müzakirəsi - Fransanı narahat edən məsələ

18:3503 Aprel, 2024
207
SİYASƏT
  • A

Fransanın təxribatları bitmək bilmir. Ermənilərə canı yanan Fransa onlara dəstək görüntüsü yaratmağa davam edir. Azərbaycana qarşı əsassız ittihamlar irəli sürən Fransa bununla həm ermənilərin rəğbətini qazanır, həm Bakıya təzyiq edir, həm də Cənubi Qafqazda sabitliyi pozmağa can ataraq Rusiyanın regiondakı mövqeyini zəiflətməyə çalışır.

Məlum olduğu kimi, ötən gün Parisdə Fransanın Avropa və xarici işlər naziri Stefan Sejurnen ilə ABŞ dövlət katibi ilə birgə mətbuat konfransı keçirilib. Mətbuat konfransında növbəti dəfə Azərbaycana qarşı əsassız iddialar səsləndirilib. Azərbaycana qarşı dəfələrlə qərəzli mövqe nümayiş etdirən iki ölkənin nümayəndələrinin görüşündə Fransa yenə də təxribata əl atıb.

Erməniləri sürətlə silahlandıran Fransa Cənubi Qafqazda sabitliyi pozmaq üçün əlindən gələni edir. Ötən gün keçirilən mətbuat konfransı bunun bariz nümunəsidir. Aydın məsələdir ki, Fransa Ermənistanla Azərbaycan arasında sülhü sadəcə dildə istəyir. Onların əsl məqsədləri bölgədə gərginliyin uzunmüddətli olmasıdır.

Sözügedən konfransa Rəsmi Bakı reaksiya verərək bildirib ki, Ermənistanın geniş şəkildə silahlanmasını həyata keçirən, bölgədə militarizmi təşviq edən Fransa tərəfinin Azərbaycanı aqqressiv ritorikada təqsirləndirməsi qəbuledilməzdir: "Azərbaycan ərazilərini 30 ilə yaxın müddətdə işğal altında saxlayan, 1 milyona yaxın azərbaycanlını öz doğma torpaqlarından didərgin salan, kütləvi qırğınlar və insanlıq əleyhinə cinayətlər törədən Ermənistanın Fransa tərəfindən sülhpərvər ölkə kimi təqdim edilməsi bu ölkənin həm vasitəçiliyi dövründə, həm də 44 günlük vətən müharibəsindən sonra yürütdüyü siyasətin nə qədər saxta olduğunu nümayiş etdirir.

Mühüm konfransların, qlobal müzakirələrin mərkəzinə çevrilən Bakı bir sıra ölkələri, xüsusən də Fransanı aşkar şəkildə narahat edir. Bu narahatlıq özünü sözügedən təxribatda xüsusi diqqət çəkir. Xarici İşlər Nazirliyinin mətbuat katibi Ayxan Hacızadənin dediyi kimi, Fransa Azərbaycanın BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi kimi məsul vəzifəni yerinə yetirdiyi bir dönəmdə ölkənin imicinə xələl gətirmək məqsədi güdür.

Fransanın Afrika və Yaxın Şərqdə həyata keçirdiyi aqressiv kolonializasiya siyasətinin gətirdiyi fəlakətlərdən nəticə çıxarmaqdansa Azərbaycanla "məşğul olması" təəssüf doğurur. Yaxşı olardı ki, Fransa öz ölkə daxili məsələləri ilə məşğul olsun. Əks halda, bu Fransanın imicini də ləkədir.

Oxu24.com

ŞƏRHLƏR

BÖLMƏNİN ÇOX OXUNANLARI

Ərdoğan İlham Əliyevə zəng etdi
Aİ Azərbaycan və Ermənistan arasında imzalanmış protokolu alqışladı
Hikmət Hacıyev BMT Baş katibinin köməkçisi ilə görüşdü - FOTO

Nəhəng pandalar ABŞ-a qayıdacaq

18+

Gündə bir dəqiqə bu idman hərəkətini etməkcinsi aktivliyi artırır
Məktəb direktoru müəlliməyə qoyun dedi -  Müəllimin üstünə təcili yardım gəldi
Böyrək daşından əziyyət çəkənlərin diqqətinə! - Çarəsi bu meyvənin tumudur
Ramin İsayevin ittihamı ağırlaşdırıldı