Ukraynada müharibə başlayandan bəri hüquq-mühafizə orqanları dəmir yollarında 184 təxribat, Rusiyada hərbi komissarlıq və hakimiyyət obyektlərinə 220 hücum faktını qeydə alıb.

Bu barədə TASS-a Rusiya Daxili İşlər Nazirliyindən bildirilib.

“Xüsusi əməliyyat başlayandan indiyədək ölkənin 58 rayonunda hərbi komissarlıqlara və dövlət obyektlərinə basqın və yandırma ilə bağlı 220 fakt qeydə alınıb, onlardan 85 faizi açıqlanıb, 15-i azyaşlı olmaqla 220 nəfərin şəxsiyyəti müəyyən edilib”, - məlumatda deyilir.

Bundan başqa, Rusiyada müharibə başlayandan indiyədək dəmir yolu xətlərində 184 təxribat aktı qeydə alınıb. Nazirliyin sözlərinə görə, bu cinayətlərdə 59-u azyaşlı olmaqla 141 nəfər ittiham olunur.