Bakı 28°C
USD - 1.7010
EUR - 1.9120
RUB - 0.026
89457
az

Müğənni Dənizdən sensassion açıqlama:Müğənni pulnan vətəndaşları pensiyaya çıxarırmış?

20:3419 May, 2023
2140
ŞİKAYƏTLƏR
  • A

Müğənni Dəniz Əsədova üzləşdiyi dələduzluq əməlləri ilə bağlı təfərrüatları açıqlayıb. 

Oxu24.com  bildirir ki, Dəniz Əsədova keçirdiyi mətbuat konfransında özü dələduzluğa məruz qaldığı halda məsuliyyətə cəlb olunduğunu deyib. 

"Əslində isə mən zərərçəkənəm” deyən müğənninin sözlərinə görə, baş verənlərin kökündə vətəndaşlara pensiya düzəltmək dayanıb. Dəniz Əsədova iddia edib ki, bu məsələdə əsas təqsirkarlar Sabunçu rayon 21 saylı birləşmiş şəhər xəstəxanasının baş həkimi işləmiş Rauf İsfəndiyarov, 8 saylı tibbi-sosial ekspert komissiyasının sədri vəzifəsində işləmiş Şahin Verdiyev və Kəlbəcər rayon xəstəxanasının keçmiş baş həkimi Mehparə Kazımovadır. 

Əsədova deyib ki, əvvəllər tibb sahəsində çalışıb. Rauf İsfəndoyarovla Şahin Verdiyevi bu sahədə çalışarkən tanıyıb. Sonradan Rauf İsfəndiyarov onu Mehparə Kazımova ilə tanış edib. Dəniz Əsədovanın sözlərinə görə, ayrı-ayrı vətəndaşlara pensiya düzəltmək üçün onlardan pullar alınıb. 

"Pullar Rauf İsfəndiyarova, Şahin Verdiyevə və Mehparə Kazımoyava verilib. Tanışlarımın əlillik dərəcələrini guya qanuni yolla həll edəcəklərini desələr də, saxta sənədlər düzəldiblər”, deyə müğənni vurğulayıb. O, həmçinin əlavə edib ki, Sahil Babayev əmək və əhalinin sosial müdafiəsi naziri təyin edildikdən sonra pensiya təminatı ilə bağlı araşdırmalara başlanıb və xeyli sayda vətəndaşın əlillik dərəcəsi ləğv edilərək pensiyası kəsilib. Bundan sonra həmin vətəndaşlar şikayətçi olublar.

"Mən bu işdə adım hallanmasın deyə xeyli sayda vətəndaşın pulunu qaytarmışam. Bunun üçün əmlaklarımı satmışam. Amma buna baxmayaraq, yenə də bu işdə əsas fiqurant kimi mənim addım hallanır, mühakimə edilir və cəzalandırılıram. İşin başında dayananlar, həmin pulları mənimsəyənlər barədə isə heç bir tədbir görülmür”, - deyə Dəniz Əsədova vurğulayıb. 

Müğənni daha sonra konkret faktlara keçib. O, jurnalistlərə əlillik dərəcəsi ilə bağlı çoxsaylı sənədlər təqdim edib. Onun iddasına görə, bu sənədlər Mehparə Kazımova tərəfindən düzəldilib. 

"Özünüz baxın. Mən, yaxud vətəndaşlar belə sənədləri necə düzəldə bilərlər? Bu sənədlərin hamısı saxtadır. Xəstə olmayan vətəndaşlara müxtəlif xəstəliklər yazılıb və onlara pensiya düzəldilib. Yaxşı başa düşdüm, bu işdə vasitəçi olmuşam deyə məni də ittiham edirlər. Bəs o zaman işin başında dayanan, saxta sənədləri düzəldən, pulları mənimsəyən Rauf İsfəndiyarov, Şahin Verdiyev və Mehparə Kazımova niyə məsuliyyətə cəlb olunmur? Axı pullar bu adamlara verilib. Əlimdə bütün bunları təsdiq edən sübutlar var. Sizə təqdim etdiyim bu sənədləri istintaqa da təqdim etmişdim. Eyni zamanda hüquq-mühafizə orqanlarına müraciətimdə də bu faktlar əks olunub. Amma nəticə yoxdur”. 

Mart ayında Dəniz Əsədovanın şikayəti əsasında Rauf İsfəndiyarov saxlanılıb. Ona qarşı Cinayət Məcəlləsinin 178.3.2-ci (Dələduzluq - külli miqdarda ziyan vurmaqla) maddəsi ilə ittiham irəli sürülüb və barəsində həbs-qətimkan tədbiri seçilib. May ayında isə barəsində həbs qərarı ev dustaqlığı ilə əvəzlənib. Dəniz Əsədova bu fakta diqqət çəkərək bildirib ki, baş verənlər "pensiya əməliyyatı” ilə bağlı cinayət işinin ört-basdır edilməsinə hesablanıb. 

"Mən başa düşə bilmirəm nə baş verir? Axı necə ola bilər ki, mənim ittiham olunduğum cinayətdə əsas fiqurant olan bu şəxs barəsində bir ay sonra həbs qərarı dəyişir?! Digərləri barədə isə ümumiyyətlə heç bir tədbir görülmür? Bu cinayət ört-basdır etmək deyil, bəs nədir?! Təsəvvür edin, Rauf İsfəndiyarovla Şahin Verdiyev öz adamlarına saxta əlillik dərəcəsi verib. Bununla bağlı əlimdə sübutlar var. Amma baxan yoxdur.

Dəniz Əsədova mətbuat konfransında ölkə rəhbərliyinə müraciət edərək bu məsələni diqqətdə saxlamasını xahiş edib: 

 

"Mənə təzyiq edilir. İstəyirlər ki, danışmayım, susum. Amma susmaq fikrində deyiləm. Mən bu adamların məsuliyyətə cəlb olunmasını, onlara verilən pulları geri qaytarmalarını tələb edirəm. Bu cinayətin ört-basdır edilməsinə imkan verməyəcəm. Cənab Prezidentdən bu məsələni diqqətdə saxlamasını xahiş edirəm. Burada milyonlarla manat puldan söhbət gedir. Hüquq-mühafizə orqanlarına da müraciətlərim davam edəcək”.

Dəniz Əsədova sonda qeyd edib ki, 16 aprel 2022-ci ildə evində oğurluq hadisəsi baş verib. Müğəninnin sözlərinə görə, hadisəni törədən Mirzəzadə Minayə Nadir qızı adlı şəxsdir. Həmin şəxs Dəniz Əsədovanın evində qulluqçu işləyib. "21 min manat dəyərində qızıl, geyim oğurlanıb. Onun oğurluqla bağlı etirafları var. Aufido-video formasında. Etiraf edib ki, hadisəni ehtiyac üzündən törədib. Həmin sübutlar əlimdədir. Amma bununla bağlı heç bir tədbir görülmür. Nə cinayət işi başlanıb, nə də ümumiyyətlə araşdırılıb”, deyə Dəniz Əsədova vurğulayıb. 

Qeyd edək ki,  Rauf İsfəndiyarov istintaq altında olduğuna görə onunla əlaqə saxlamaq mümkün deyil. Həmçinin mövqeyini öyrənməyə çalışsaq da,  Şahin Verdiyevlə əlaqə yaratmaq mümkün olmadı. Mehparə Kazımovaya gəlincə, vəkili İlqar Rüstəmov onun barəsində müğənninin səsləndirdiyi iddialara hələ ötən il cavab verib. O, Dəniz Əsədovanın dediklərini əsassız adlandıraraq, onu məhkəmyə verəcəklərini bildirib. 

Həmçinin Mehparə Kazımova Dəniz Əsədova barəsində Binəqədi Rayon Məhkəməsinə xüsusi ittiham qaydasında şikayət verib. Şikayətə mayın 22-də hakim Vüsal Tağıyevin sədrliyi ilə baxılacaq.

Məlumat üçün deyək ki, Dəniz Əsədova bu məsələ barədə zaman-zaman açıqlamalar yayıb. Lakin işin detallarına toxunmayıb.

 

 

Oxu24.com

ŞƏRHLƏR

BÖLMƏNİN ÇOX OXUNANLARI

Polis vətəndaşın şikayətinə niyə reaksiya vermir?  —  Kameraya düşmüş oğurluq 
Bakıya dayə kimi gətirilən afrikalı qadının başına iş gəldi - Foto

Teleqramda pul qazanmaq mümkün olacaq  -  ŞAD  XƏBƏR

18+

Dəhşətli cinayətin VİDEOSU YAYILDI (18+)
Toyda ölüm anı KAMERAYA DÜŞDÜ
Polis vətəndaşın şikayətinə niyə reaksiya vermir?  —  Kameraya düşmüş oğurluq 
Soğandan düzəldilən dərman görün nələrə dərman imiş
Qadın faciəli şəkildə öldü