Binəqədidə "Ölüm lifti": Sakinlərdən pul yığılır, amma təmir yoxdur – VİDEO

$Binəqədidə \"Ölüm lifti\": Sakinlərdən pul yığılır, amma təmir yoxdur – VİDEO$

ŞİKAYƏTLƏR

995

16.03.2026, 15:29

Bakının Binəqədi rayonunda yerləşən çoxmərtəbəli binalardan birində liftin acınacaqlı vəziyyəti sakinlərin həyatını təhlükəyə atır.

Oxu24.com xəbər verir ki, redaksiyamıza müraciət edən Aygün Quliyeva adlı vətəndaş 9-cu mikrorayon, Cavadxan küçəsi 3 ünvanında yerləşən 9 mərtəbəli binadakı dözülməz vəziyyəti videolentə alıb.

"Hər evdən 7,50 AZN pul yığılır"...

View this post on Instagram

A post shared by oxu24.az (@oxu24.az)

Sakinlərin bildirdiyinə görə, liftin bərbad vəziyyətdə olmasına baxmayaraq, hər 6-7 aydan bir bütün bina sakinlərindən, hər mənzil başına 7,50 manat məbləğində təmir pulu toplanır. Lakin yığılan vəsaitin hara xərcləndiyi məlum deyil, çünki liftin vəziyyəti gündən-günə pisləşir.

Təqdim olunan görüntülərdən aydın olur ki, liftin idarəetmə paneli tamamilə dağılıb, düymələr sıradan çıxıb və elektrik naqilləri açıqdadır. Liftin daxili antisanitar vəziyyətdədir, divarlar və tavan qəfəsə bənzər dəmir konstruksiyalarla "yamaqlanıb".

Sakinlər liftin tez-tez xarab olduğunu, insanların dəqiqələrlə içəridə qaldığını və 9-cu mərtəbəyə qədər piyada qalxmaq məcburiyyətində qaldıqlarını bildirirlər.

"Biz hər gün bu liftə qorxu içində minirik, çünki, içində qalanlar olur. Pul yığmağa gələndə gəlirlər, amma iş görməyə gələndə kimsəni tapmırıq. Əgər lift təmir olunmursa, biz nə üçün pul ödəməliyik?”,- deyə sakinlər şikayət edir.

Sakinlər bildirir ki, liftin hər an qırılma və ya elektrik qısaqapanması nəticəsində yanma riski var. Bu, binada yaşayan azyaşlılar və yaşlı insanlar üçün real ölüm təhlükəsidir.

Oxu24.com olaraq məsələ ilə bağlı Binəqədi Rayon İcra Hakimiyyəti və "Bakılift-İxtisaslaşdırılmış İstehsalat" Birliyinin mövqeyini dərc etməyə hazırıq.

Çimnaz Telmanqızı

Həmçinin oxuyun