Məlumata görə, 28 Sentyabrda Bərdə şəhərində bütün iaşə obyektləri və evlərdən asılan Azərbaycan bayraqları icra hakimiyyətinin əməkdaşları tərəfindən yığışdırılıb.

Bayrağın açılmasına etiraz edənlər isə həbs edilməklə təhdid edilib. Videoda düşən şəxs Bərdə şəhər icra hakimiyyətinin məsul işçisidir. Onun atasının Azərbaycanın Milli Qəhrəmanı Sərhəd Zöhrabbəyov olduğu bildirilir! 

Azərbaycan Bayrağına qarşı hörmətsizlik edən şəxsin kimliyi bilinib.

Oxu24.com-un  məlumatına görə, DİN-in Mətbuat Xidmətinin Bərdə regional qrupunun baş inspektoru, polis baş leytenantı Aslan Qiyaslı bildirib ki, qeyd edilən video görüntülərlə əlaqədar Bərdə Rayon Polis Şöbəsində müvafiq araşdırmalara başlanılıb.

Hadisəni törədən şəxsin kimliyi polis əməkdaşları tərəfindən müəyyən edilib.

Araşdırmaların nəticəsi barədə ictimaiyyətə əlavə məlumat veriləcək.