Türkiyə məhkəməsi “Kobani hadisələri”ndə təqsirləndirilən Xalqların Demokratik Partiyasının (HDP) sabiq həmsədri Səlahəddin Dəmirtaş və digər partiya rəsmilərini 28 il 6 ay həbs cəzasına məhkum edib.

Publika.az xəbər verir ki, bu barədə “Reuters” məlumat yayıb.

Bildirilib ki, onlar 2014-cü ildə İslam Dövlətinin Suriyanın Kobani şəhərinə hücumu nəticəsində yaranan etirazları qızışdırmaq ittiham olunurlar.

Ankara 22-ci Ağır Cəza Məhkəməsində yekun hökm 43 il 8 ay olub.

Qeyd edək ki, HDP-nin 2014-cü il oktyabrın 6-da "İŞİD"in Kobaniyə (Eyn əl-Ərəb) qarşı həyata keçirdiyi hücumların bəhanə edərək 35 rayonda icazəsiz mitinqlər keçirilmişdi. Hadisələr zamanı 33 nəfər ölmüş, 2 polis şəhid olmuş, 221 mülki vətəndaş və 139 polis isə yaralanmışdı. Mitinqlərdə 25-i icra hakimiyyəti, 67-si hüquq-mühafizə, 29-u siyasi partiya, 212-si məktəb olmaqla ümumilikdə 1 113 binaya zərər dəymişdi. Aksiyalarda özəl, bələdiyyə, təcili tibbi yardım və polis avtobilləri yandırılmış və ümumilikdə 1 177 nəqliyyat vasitəsi istifadəyə yararsız vəziyyətə düşmüşdü.