Lənkəranda bir ailənin 9 üzvü qidadan zəhərlənib
12 Noyabr 2026, 17:19
Qaynar xətt:
(+99450) 247 90 86
REDAKTORUN SEÇİMİ
878
12.03.2020, 15:49
“Nəqliyyat vasitələrindən oğurluq cinayətlərinin açılması ilə bağlı daxil olan müraciətlərə operativ reaksiya verilir”.
Bu barədə Bakı Şəhər Baş Polis İdarəsinin Mətbuat Xidmətindən Oxu.Az-ın sorğusuna cavab olaraq bildirib ki, qabaqcıl metodoloji kriminalistik üsullar tətbiq olunmaqla keçirilən əməliyyat-axtarış tədbirləri ilə paytaxtda cari ildə 143 hadisənin üstünün açılması təmin olunub:
“Hər bir fakt üzrə şübhəli şəxslərin yeri və şəxsiyyəti müəyyən olunaraq istintaqa təhvil verilib. Fəaliyyət sahəmiz təkcə cinayətlərin qarşısının alınması və açılması ilə yekunlaşmır. Bizim üçün əsas meyar baş verən cinayətin üstünün açılması ilə yanaşı, qabaqlayıcı-profilaktik tədbirlərin genişlənməsidir.
Tərəfimizdən analitik təhlil və araşdırmalar aparılmaqla qabaqlayıcı tədbirlər işlənib hazırlanaraq, icraya yönəldilir. Burada əsas məqsəd paytaxt sakinlərinin maarifləndirilməsidir.
Ümumiləşdirmələr göstərir ki, nəqliyyat vasitələri, əsasən, sahibinin viktim davranışı (zərərçəkmiş şəxsin cinayətin törədilməsi üçün yaratdığı şərait) zəminində talana məruz qalır. Bu, həm də əmlak sahibinin öz mülkiyyətinə olan münasibətindən asılıdır.
Nəqliyyat vasitələrinin sahibləri avtomobilləri mühafizə olunmayan, işıqlandırılmayan, yaxud “Təhlükəsiz Şəhər” kameralarının əhatə dairəsindən kənar, gediş-gəlişin az olduğu küçələrdə saxlamaları müşahidə olunur.
Bütün bunları nəzərə alaraq, nəqliyyat vasitələri park olunarkən sürücülər elementar qaydalara əməl etməli, viktimoloji şəraiti nəzərə almalı, avtomobillərin salonunda qiymətli əşyaların saxlanmamasına fikir verməlidir”.
“Məlumatda vurğulanır ki, Daxili İşlər nazirinin rəhbərliyi altında Bakı şəhər BPİ-nin rəhbərliyi paytaxt ərazisində hüquqazidd əməllərin, o cümlədən, hazırlanan, törədilən cinayət faktlarının açılması, qarşısının alınması və araşdırılmasına nəzarətin həyata keçirilməsini təmin etməklə, bütün zəruri əməliyyat-istintaq xidmətlərinin, həmçinin, rayon polis orqanlarının bu istiqamətdə tədbirlərinin görülməsini diqqət mərkəzində saxlayır”, - deyə məlumatda qeyd edilib.
10:49 / 20 Noyabr 2026
1
10:40 / 20 Noyabr 2026
27
10:20 / 20 Noyabr 2026
63
10:20 / 20 Noyabr 2026
55
10:16 / 20 Noyabr 2026
70
10:10 / 20 Noyabr 2026
98
10:10 / 20 Noyabr 2026
61
10:03 / 20 Noyabr 2026
234
10:00 / 20 Noyabr 2026
120
10:00 / 20 Noyabr 2026
95
09:51 / 20 Noyabr 2026
77
09:46 / 20 Noyabr 2026
79
09:41 / 20 Noyabr 2026
82
09:34 / 20 Noyabr 2026
103
09:31 / 20 Noyabr 2026
608
09:26 / 20 Noyabr 2026
79
09:14 / 20 Noyabr 2026
90
09:01 / 20 Noyabr 2026
68
08:37 / 20 Noyabr 2026
65
23:55 / 19 Noyabr 2026
183
23:26 / 19 Noyabr 2026
223
23:22 / 19 Noyabr 2026
217
23:15 / 19 Noyabr 2026
234
© 2026 Oxu24.com Müəllif hüquqları qorunur.