Hindistanda şir onunla selfi çəkdirmək istəyən  kişini parçalayıb.

Oxu24.com  xəbər  verir  ki, bunu   Times of India yazır.

Mediada yayılan məlumata görə, Prahlad Qujjar adlı şəxs onunla selfi çəkmək üçün aslanın mühafizəsinin yaxınlığındakı qadağan olunmuş əraziyə çıxıb.

Hindistanlı təxminən bir metr hündürlükdə qoruyucu divarın üstündən keçərək yırtıcı ilə üz-üzə qalıb.

Şir dərhal kişiyə hücum edib və 10 dəqiqə ərzində onu parçalayıb.

Hadisə şahidlərinin sözlərinə görə, Prahlad sərxoş olub və vəziyyətin təhlükəsini tam dərk etməyib.

Müəllif: Nigar