İsrail Knesseti (parlamenti) vahid fövqəladə hökumətin yaradılmasını təsdiqləyib.

Oxu24.com xəbər verir ki,Bu barədə “The Jerusalem Post” yazır.

Nəşrin məlumatına görə, müxalifət liderlərindən birinin Benni Qantsın iştirakı ilə fövqəladə Nazirlər Kabinetinin yaradılmasını 66 deputat dəstəkləyib, bir parlamentari də əleyhinə səs verməyib.

Oktyabrın 11-də İsrailin baş naziri Benyamin Netanyahu ölkədə fövqəladə hökumət yaradıldığını elan edib. O qeyd edib ki, ölkənin taleyi hazırda təhlükə altında olduğundan “bütün digər mülahizələr” kənara qoyulub. Baş nazir vurğulayıb ki, hakimiyyət bütün israillilərin xeyrinə birgə çalışacaq.

Qeyd edək ki, bir müddət əvvəl Türkiyə prezidenti Rəcəb Tayyib Ərdoğan Yaxın Şərqdə mövcud münaqişənin həllinin yeganə yolunun Fələstini müstəqil dövlət kimi tanımaq olduğunu bəyan edib.

Rusiya prezidenti Vladimir Putin də Rusiya Enerji Həftəsinin plenar iclasında bəyan edib ki, Moskva BMT Təhlükəsizlik Şurasının müstəqil Fələstin dövlətinin yaradılması ilə bağlı qərarının qəbulunu həmişə dəstəkləyib.

Müəllif: Miri Məcidli