Fələstin lideri Mahmud Abbas həm İsrail, həm də Fələstin qruplarının mülki şəxslərə qarşı zorakılığına qarşı çıxış edib.

Oxu24.com xəbər verir  ki,Əl-Cəzirə xəbər verir ki, o, məhbusları azad etməyə çağırıb.

“Biz mülki şəxslərin əxlaqi və dini dəyərlərə zidd olduğu və beynəlxalq hüququ pozduğu üçün onların öldürülməsi və ya pis rəftar edilməsi ilə bağlı praktikaları rədd edirik”, - Abbas deyib.

Bundan əlavə, Fələstin prezidenti Qəzza zolağına qarşı təcavüzün dayandırılmasını tələb edib.

Bundan əvvəl Abbas humanitar dəhlizlərin açılmasını, həmçinin Qəzza zolağına humanitar yardımın göndərilməsini istəyib. Fələstin lideri həmçinin “İsrail təcavüzü”nə son qoymağa və sülhə çağırıb. Eyni zamanda, Abbas məhbusların və mülki şəxslərin azad edilməsinə ehtiyac olduğunu qeyd edib və əlavə edib ki, hər iki tərəf dinc insanların öldürülməsinə son qoymalıdır.

Oktyabrın 7-də Həmas İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

Müəllif:Nigar