Srpska Respublikasının Prezidenti (Bosniya və Herseqovinanın iki subyektindən biri) Milorad Dodikin Rusiya Federasiyasına səfəri ilin sonunadək planlaşdırılır.

Oxu24.com xəbər verir ki,bu barədə TASS-a baş nazir Radovan Viskoviç məlumat verib.

“İlin sonuna qədər prezidentimiz Rusiya Federasiyasına gələcək”, - deyə siyasətçi bildirib.

Sentyabrın sonunda məlum olub ki, Serb Respublikası rəhbəri Rusiya prezidenti Vladimir Putinlə danışıqlar aparmaq üçün Moskvaya gəlmək istəyir. O, bu barədə RTRS telekanalının efirində danışıb. Dodikin fikrincə, Rusiya lideri siyasətdə tanış olduğu ən yaxşı insandır. O qeyd edib ki, Putinlə ünsiyyət və ildə bir neçə dəfə müvafiq tədbirlər təşkil etmək imkanı onu qürurlandırır.

Bundan əvvəl Serb Respublikasının rəsmi nümayəndəsi Dusko Peroviç “İzvestiya” qəzetinə müsahibəsində Dodikin 2023-cü ilin noyabrında Rusiyaya səfər edəcəyini açıqlamışdı. Rəsmi səfər başa çatdıqdan sonra parlament üzvlərinin də Moskvaya gələcəyi planlaşdırılır.

Dodik bundan əvvəl demişdi ki, Bosniya və Herseqovinanın Avropa İttifaqı (Aİ) əvəzinə BRİKS-ə qoşulması barədə düşünməlidir.

Müəllif:Nigar