Oxu24.com Al Hadath telekanalına istinadən  xəbər verir ki, İsrail ərazisindən Qəzza zolağının şərqinə ardıcıl olaraq altıdan çox raket atılıb.

Tələfat və dağıntılar barədə hələlik məlumat yoxdur.

Bundan əvvəl İsrailin hərbi-siyasi kabineti ölkənin müharibə vəziyyətinə keçdiyini rəsmən elan etmişdi.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Benyamin Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı.

Netanyahunun sözlərinə görə, İsrailin HƏMAS-a qarşı hərbi əməliyyatı çətin və uzun sürəcək.

Müəllif:Afət