WhatsApp tərtibatçıları bəzi interfeys elementlərinin dəyişdirildiyi Android üçün messencerin yeni beta versiyasını təqdim ediblər.

Oxu24.com xəbər verir  ki,bu barədə WABetaInfo (WBI) portalı məlumat yayıb.

Yeni beta versiyası 2.23.20.10 nömrəlidir. Hələlik onu Google Play-dən yalnız məhdud sayda istifadəçi yükləmək mümkündür.

WBI yazır ki, 2.23.20.10 versiyasında həm açıq, həm də qaranlıq mövzularda üstünlük təşkil edən rənglərə çevriləcək yaşılın yeni çalarları meydana çıxıb. Yeni nişanlar əlavə edildi. Məsələn, yeni söhbətə başlamaq üçün düymənin dizaynı yenidən işlənib.

"Yeni nişanlar tətbiqin ümumi vizual cəlbediciliyini artırmaqla messencer interfeysini daha müasir etmək üçün nəzərdə tutulub", - WBI qeyd edib.

Nəşrin məlumatına görə, messencerin yeni dizaynı hələ də işlənib hazırlanır. Qarşıdan gələn WhatsApp yeniləmələrindən birinin buraxılması ilə bütün istifadəçilər üçün əlçatan olacaq.

WhatsApp tərtibatçılarının tətbiqin genişmiqyaslı yenidən dizaynı ilə məşğul olması hələ sentyabrın əvvəlində məlum olub.

Müəllif:Afət