İsveç polisi hərbi kəşfiyyatla razılaşdıqdan sonra ölkədə terror təhlükəsinin səviyyəsini sondan əvvəlki səviyyəyə qaldırıb.

Oxu24.com xəbər verir  ki,bu barədə İsveç Kəşfiyyat Xidmətinin SÄPO rəhbəri Şarlotta fon Essen məlumat verib.

"Bu gün mən beş ballıq sistem üzrə terror təhlükəsi səviyyəsini üçdən dördə qaldırmaq qərarına gəldim. Biz pisləşən təhlükəsizlik vəziyyətindəyik. Təhlükə uzun müddət davam edəcək", - o, mətbuat konfransında deyib.

Ola bilsin ki, bu qərar müsəlmanlara qarşı aksiyaların artması ilə bağlıdır.

Belə ki, iyunun 28-də İraqdan olan mühacir Salvan Momika Stokholmun mərkəzindəki məscidin yaxınlığında Quranı yandırıb.

Üstəlik, İsveç polisi ona qalmaqallı aksiya keçirməyə icazə verib. İslamın müqəddəs kitabının yandırılması bütün dünya müsəlmanları tərəfindən pislənilib. Sonuncu belə aksiya iyulun 31-də baş tutub.

Müəllif: Miri Məcidli