Bakı şəhər sakini, 2001-ci il təvəllüdlü Seymur idarə etdiyi taksi maşınında 16 yaşlı Samirə (adlar şərti verilib - red.) ilə öpüşüb və xuliqanlıq hətəkətləri törədib.

 

OXU24.COM teleqraf.com-a istinadən xəbər verir ki, hadisə martın 7-də baş verib.

 

Seymur izahatında bildirib ki, təqribən 1-ilə yaxındır taksi fəaliyyəti iə məşğul olur. İdarə etdiyi "Toyota Prius" markalı maşınla martın 7-dən 8-nə keçən gecə saat 2-3 radələrində Neapol dairəsində gedərkən tanımadığı bir qız ona əl edib: "Qız rəfiqəsigildən qayıtdığını, evə getmək istədiyini, amma xalasının qapını açmayacağını bildirdi. Onu Masazır qəsəbəsində dayısıgilə aparmağımı xahiş etdi. Masazırda qızın qabağına çıxan olmadı. Qız onu gətirdiyim yerə qaytarmağımı xahiş etdi".

 

Seymurun sözlərinə görə, qız geri qayıdarkən qabaq oturacaqda əyləşib: "Daha sonra polis bizi saxladı. İçkili olub-olmadığımı yoxladı. Qız mənə 16 yaşı olduğunu demişdi. Polis məndən qızın kim olduğunu soruşdu. Mən də müştəri olduğunu və 16 yaşa çatdığını bildirdim. Daha sonra polis-patrul gəldi və bizi bölməyə apardılar".

 

Seymur qeyd edib ki, daha sonra qızın anası 34-cü polis bölməsinə gəlib: "Qadın rayonda olduğunu dedi, qızı ekspertizaya apardılar, təmiz çıxdı. Mən qızı, qız da məni öpüb. Qızın məndən xoşu gəlib. Bir-birimizlə danışıb, söhbətləşmişik. Hadisə maşında baş verib".

 

Seymurun barəsində İnzibati Xətalar Məcəlləsinin 510-cu (xuliqanlıq) maddəsi ilə inzibati qaydada protokol yazılıb.

 

İş baxılması üçün Xətaı rayon Məhkəməsinə göndərilib. Hakim Şəhriyar Əliyevin sədrliyi ilə baş tutan iclasda qərar elan edilib.

 

Qərara görə, Seymurun barəsində İnzibati Xətalar Məcəlləsinin 510-cu maddəsi ilə nəzərdə tutulan inzibati xətanı törətməsinə dair iş üzrə icraata inzibati xəta tərkibi olmadığından xitam verilib.