Türkiyədə zəlzələdən əziyyət çəkən bölgələrdə məktəblərdə dərslərin başlayacağı tarix bəlli olub.

Oxu24.com  “NTV”yə istinadən xəbər verir ki, bu barədə məlumatı Türkiyənin milli təhsil naziri Mahmut Özer açıqlayıb.

Onun sözlərinə görə, Adana, Kilis, Diyarbakır və Şanlıurfada mərkəz hissələrdə və rayonlarda martın 1-dən etibarən dərslər başlayır. 

Bununla belə, Qaziantep və Osmaniyedə dərslərin dayandırılması martın 1-dən martın 13-nə qədər, Adıyaman, Malatya, Kahramanmaraş və Hatayda isə martın 27-nə qədər uzadılıb.