Yanvarın 29-da Rusiya və İranın mərkəzi banklarının nümayəndələri SWIFT-ə bənzər bank sisteminin yaradılması haqqında memorandum imzalayıblar.

Oxu24.com xəbər  verir  ki, bu  barədə  İran  mediası  məlumat  yayıb.

İran Mərkəzi Bankının nümayəndəsi Möhsün Kərimi bildirib ki, indi hər iki ölkənin banklarının maliyyə messencerləri bir-birinə bağlı olacaq. Artıq banklar pul köçürmələri də daxil olmaqla, bütün standart bank mesajlarını mübadilə edə biləcəklər.

“Yaxın günlərdə Rusiya Mərkəzi Bankının texniki qrupunun Tehranda olmasını nəzərə alaraq, bütün İran və Rusiya bankları arasında bu mesajlaşma sistemləri vasitəsilə əlaqə qurulacaq”, - deyə o bildirib.

Kərimi əlavə edib ki, İran bankları da 13 ölkənin bankları ilə asanlaşdırılmış maliyyə mübadilələrinə çıxış əldə edəcəklər.

Tərcümə: Miri Məcidli