Kral Hərbi Dəniz Qüvvələrinin Böyük Britaniya Dəniz Ticarət Əməliyyatları İdarəsi (UKMTO) sosial media X-də Yəmənin Ədən limanı sahillərində gəmiyə hücum edildiyini bildirib.

“UKMTO Yəmənin Ədən şəhərinin cənub-qərbində 170 dəniz mili (314,8 kilometr – red.) aralıda insident barədə məlumat alıb”, - nəşr yazır.

Hadisə hücum kimi qiymətləndirilir və səlahiyyətlilər araşdırmaya başlayıb.

Bundan əlavə, UKMTO gəmilərə ərazidə ehtiyatla hərəkət etməyi və hər hansı şübhəli fəaliyyət barədə məlumat verməyi tövsiyə edib.

Daha əvvəl Yəmənin Qırmızı dəniz sahillərinin əksəriyyətinə nəzarət edən Yəmənin şimalında hakim şiə hərəkatı olan Ənsar Allah (Husilər) İsraillə əlaqəli istənilən gəmiyə hücum etmək niyyətində Fələstini dəstəklədiyini bəyan etmişdi. Onlar həmçinin digər ölkələri ekipajlarını onlardan geri çəkməyə və dənizdə onlara yaxınlaşmamağa çağırıblar.

Ənsar Allah hərəkatının Siyasi Büro üzvü Əli əl-Kahum Yəmənin İsraillə münaqişənin yeni mərhələsinə qədəm qoyduğunu bildirib.

Miri