Şəkidə 17 yaşlı oğlan itkin düşüb.

Oxu24.com-un  məlumatına görə, Şəki şəhər sakini, 2006-cı il təvəllüdlü Ramazan Hacıyev yanvarın 14-də təxminən saat 17 radələrində yaşadığı evdən çıxıb və bir daha geri qayıtmayıb.

DİN-in Mətbuat Xidmətinin Şəki regional qrupunun baş inspektoru, polis kapitanı Mahir Məsimov "Report"un yerli bürosuna bildirib ki, həmin şəxsin itkin düşməsi ilə bağlı Şəki Şəhər-Rayon Polis Şöbəsinə də məlumat daxil olub.

Polis əməkdaşları tərəfindən onun tapılması istiqamətində zəruri axtarış tədbirləri həyata keçirilir.