Belarusa qarşı yeni sanksiyalar tətbiq edilib.
Oxu24.com xarici mediaya istinadən xəbər verir ki, Avropa Komissiyasının sədri Ursula fon der Leyen çərşənbə axşamı Brüsseldə bildirib ki, Avropa İttifaqı Rusiyanın Ukraynaya qarşı apardığı müharibədəki roluna cavab olaraq, xüsusilə Belarusa qarşı yeni sanksiyalar tətbiq edəcək.
Onun sözlərinə görə, Aİ "cəsur Ukrayna xalqını dəstəkləmək üçün əlindən gələni etməyə" davam edəcək.
“Biz Kremlə sanksiyalar rejimi ilə təzyiq göstərməyə davam edəcəyik, nə qədər lazımdırsa, Belarus və ya İran kimi Rusiya müharibəsini hərbi dəstəkləyənlər üçün bu sanksiyaları genişləndirəcəyik”.
Bundan əlavə, Avropa Komissiyasının rəhbəri əmin edib ki, Aİ Ukraynaya lazım olan müddətdə maliyyə, iqtisadi və humanitar dəstəyini davam etdirəcək.
Tərcümə: Miri Məcidli
Oxu24.com
ŞƏRHLƏR