Prezident Ərdoğan Ərzurumda “İlk səsim AK Partiyaya, ilk səsim Ərdoğana” verilişində gənclərin suallarını cavablandırıb.

Oxu24.com Türkiyə mətbuatına istinadən xəbər  verir  ki,Ərdoğan  Qətərdə keçirilən  Futbol üzrə Dünya Çempionatının  final  oyunu  ilə  bağlı   maraqlı  detalı  da  açıqlayıb.

 2022-ci il Dünya Çempionatının final matçında Argentina və Fransa üz-üzə gəlib və prezident Ərdoğan və Fransa prezidenti Emmanuel Makron bu qarşılaşmanı birlikdə izləyib. İki liderin görüntüləri sosial mediada gündəm olub. Ərzurumda gənclərlə görüşən o, Fransanın məğlubiyyətindən sonra Makrona necə təsəlli verdiyini danışıb.

Proqramda prezident Ərdoğanın Makronla matçı izlədiyini xatırladan bir gənc “Makrona necə təsəlli verdiniz?” sualını verib. Ərdoğan isə “Argentina yaxşı oynadı və qalib gəldi, Makron, üzülmə” cavabını  verib.

Ərdoğanın bu cavabı zalda alqışlarla qarşılanıb.

Tərcümə: Nigar Oktayqızı