Lənkəranda dünən itkin düşən qadın bu gün tapılıb. 

APA TV xəbər verir ki, Dünən itkin düşən rayonun Tükəvilə kənd sakini Fəxriyyə Söhbət qızı İbrahimova bu gün qonşu Rüdəkənar kəndindəki dağlıq ərazidən tapılıb.

39 yaşlı qadın böyürtkən yığmaq üçün dünən səhər saatlarında evdən çıxıb, lakin bir müddətdən sonra evə qayıtmadığından qadının yaxınları aidiyyəti üzrə müraciət edib. Axtarışlara FHN-nin Cənub Regional Mərkəzinin Xüsusi Xilasetmə Hissəsinin xilasedici qrupu və kənd camaatı qoşulub. 

Qeyd edək ki, hadisə nəticəsində Fəxriyyə İbrahimovanın səhhətində hazırda heç bir problem yoxdur, özünü normal hiss edir.