Hadisədən 1 həftə sonra toyları olacaqdı. Amma 11 iyun 2022-ci il tarixində gecə saatlarında Şəkinin Aşağı Küngüt kəndi ərazisindən keçən Qaraməryəm-İsmayıllı-Şəki yolunda yəni bax burda baş verən dəhşətli qəza nişanlı olan İbrahim və Günel cütlüyünün toyunu yasa çevirdi.

Balakəndə keçiriləcək toy hazırlıqları üçün işdən məzuniyyət götürərək Bakıdan nişanlısı 27 yaşlı Günel Göyüşova ilə birlikdə özünəməxsus Mercedes markalı avtomibili ilə yaşadıqları rayona yola düşən 32 yaşlı İbrahim Ağalarovun maşını idaretmədən çıxıb və elə gəldiyi sürətlə də yol kənarından aşağı hissədə olan ağaca çırpılıb. İbrahim hadisə yerində ölsə də, köməyə gələn digər sürücülər onun nişanlısı Günelin nəbzinin vurduğunu görərək ağır vəziyyətdə Şəki rayon mərkəzi xəstəxanasına çatdırıblar
Qəzadan, yəni İbrahimin ölümündən 4 gün sonra isə Günel Göyüşova müalicə aldığı xəstəxanada dünyasını dəyişib. Günel Balakənin Hənifə kəndindən olsa da o, rayonun Qullar kəndindəki qəbiristanlıqda nişanlısı İbrahimin düz yanındaca dəfn edilib.

Oxu24.com AStar kanalına istinadən video reportajı təqdim edir: