Bakıda torpaq sahələri bahalaşıb.

Oxu24.COM-un Azərbaycan Qiymətləndiricilər Cəmiyyətindən əldə etdiyi rəqəmlərə əsasən verdiyi məlumata görə, 2022-ci ilin mart ayı üzrə paytaxtda torpaq sahələrinin bir sotu üçün orta qiymət 21 199 manat olub.

Mövcud qiymət əvvəlki ay ilə (2022-ci il, fevral) müqayisədə 7,2 faiz, 2021-ci ilin mart ayı ilə müqayisədə isə 2,3 faiz çoxdur. Bu da torpaq bazarında qiymətlərdə artım müşahidə olunduğunu göstərir.

Ötən ilin müvafiq dövründə torpaq sahələrinin bir sotu üçün orta qiyməti 20 719 manat təşkil edib. 2022-ci ilin fevral ayında isə bu qiymət 19 772 manat olub.