Aprelin 8-də qüvvəyə minən Avropa İttifaqının (Aİ) beşinci sanksiya paketi Avropa biznesi üçün Rusiyaya neft emalı və mayeləşdirilmiş təbii qazın (LNG) istehsalı üçün avadanlıq və texnologiyaların tədarükünə qoyulan qadağanı genişləndirib.

Oxu24.com  “RİA Novosti”yə istinadən xəbər verir ki, bu barədə Aİ Şurasının yeni sanksiyalar paketi və bu qərara əlavələr haqqında Aİ-nin Rəsmi Jurnalında dərc olunmuş qərarında deyilir.

Aİ ilk dəfə 2014-cü ilin iyulunda Rusiyaya neft hasilatı, o cümlədən də qütb enliklərində və şelfdə hasilat üçün avadanlıq və texnologiyaların tədarükünə məhdudiyyətlər tətbiq edib və yeni sanksiyalar paketi qəbul edildikdən sonra təchizat üçün qadağan olunmuş avadanlıqların siyahısı da genişləndirilib.

Aİ Şurasının qərarına əlavəyə əsasən, Aİ öz şirkətlərinə qazın soyudulması və mayeləşdirilməsi sistemləri, LNG istehsalı və neft emalı zamanı karbohidrogenlərin fraksiyalara ayrılması üçün avadanlıqlar, neft emalının müxtəlif mərhələləri üçün geniş çeşiddə kimyəvi avadanlıqların Rusiyaya tədarükünə icazə vermir.

İsa Peyğəmbərin heykəlini sökdülər - İçərisindən görün nə çıxdı -ŞOK VİDEO