Bakıda ana və iki övladını qətlə yetirməkdə təqsirləndirilən Əhəd Əliyev barəsində həbs qətimkan tədbirinin seçilməsi ilə bağlı istintaq orqanının təqdimatına baxılıb.

Baş Prokurorluğun Mətbuat xidmətindən Oxu24.com-a bildirilib ki, Nizami rayonu ərazisində Gülnar Qaraxanovanın və iki övladının qəsdən öldürülməsi faktı ilə bağlı zərərçəkmişin qohumu Əhəd Əliyev Cinayət Məcəlləsinin 120.2.4, 120.2.7, 120.2.9, 120.2.11, 181.2.4, 181.2.5, 181.3.3-cü maddələri ilə təqsirləndirilən şəxs qismində istintaqa cəlb olunmaqla barəsində məhkəmənin qərarı ilə həbs qətimkan tədbiri seçilib.

Qeyd edək ki, 1983-cü il təvəllüdlü Gülnar Qaraxanova və iki övladı fevralın 20-də Nizami rayonunda yaşadıqları kirayə evdə amansızca qətlə yetiriliblər.   

Keçirilən əməliyyat-axtarış tədbirləri nəticəsində cinayətin zərərçəkmişin qohumu 1981-ci il təvəllüdlü Əhəd Əliyev tərəfindən törədildiyi məlum olub.