Hacıqabulda ölümlə nəticələnən yol-nəqliyyat hadisəsi baş verib.
 

APA TV-nin Mil-Muğan bürosunun məlumatına görə, hadisə Hacıqabul şəhərinin mərkəzi küçəsində baş verib. 

Rayon sakini, 1986-cı il təvəllüdlü Elşən Qocayevin idarə etdiyi  "VAZ 2106" markalı avtomobillə, Şirvan sakini, 1982-ci il təvəllüdlü Natiqə Abbasovaya məxsus "Hyundai" markalı maşın toqquşub. 

Nəticədə sürücülərdən biri hadisə yerində ölüb, 5 nəfər -  Nemət, Pərvin, Əhməd, Ruqiyyə Qocayevalar və “Hyundai” markalı avtomobilin qadın sürücüsü xəsarət alaraq Şirvan şəhər mərkəzi xəstəxanasına yerləşdirilib. Onlardan bəzilərinin vəziyyəti ağırdır.

Faktla bağlı araşdırma aparılır.