OXU24.COM xəbər verir ki, şəhid Xudayar Yusifzadənin yer aldığı video izləyicilərdə böyük maraq oyadıb. İfaçı bildirib ki, indi bundan xəbər tutub:

“Sizdən hədsiz dərəcədə xahiş edirəm, mənim dinləyicilərimi təhqir etməkdən vaz keçin. Bu video indi diqqətimi çəkib. Arxa fondakı Xudayar imiş… Məni qorumaq üçün “maşına əyləşin” deyir. Dəyərli qardaşım, Allah şəhadətini qəbul etsin! Mənim dinləyicilərimi təhqir edən, zövqsüzlükdə günahlandıran, “musiqidən, kitabdan xəbəri yoxdur” deyən sənətçi dostlarıma (bəzilərinə) bildirmək istərdim ki, Allahdan sizə də əfsanəyə dönmüş Xudayar, tarixə düşən Aminlər kimi dinləyicilər arzu edirəm”.

Qeyd edək ki, Vətən müharibəsi dövründə erməni hərbçiləri tərəfindən yaralı halda əsir götürülən əsgərimiz Amin Musayevlə Damlanın fotosu da böyük diqqət çəkmişdi.