İki azyaşlı övladını dördüncü mərtəbədən atdıqdan sonra özü də intihara cəhd edən ana istintaqa ifadə verib. 

Oxu24.com -un  “Qafqazinfo”ya istinadla verdiyi məlumata görə, qadın istintaqa ilkin ifadəsində əri Cavid Cəfərovun narkoman olduğunu və azyaşlı oğlanlarını da narkotikə öyrəşdirmək istədiyini bildirib. 

O deyib ki, ərinin bu hərəkətlərinə görə övladlarının narkotikə qurşanmaması üçün onları və özünü öldürmək qərarına gəlib.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb.

Ər Cavid Cəfərov izahatı alınması üçün saxlanılıb, araşdırma aparılır.