Ötən gün Ermənistanın Baş naziri Nikol Paşinyanın istefasını tələb edən müxalifət yenidən İrəvan küçələrinə axışıb.

Redaktor.az xəbər verir ki, Baş Prokurorluğun binası önünə toplaşan nümayişçilər “Xain Nikol” şüarları səsləndirərək, ölkədə yenidən seçkilərin keçirilməsini tələb ediblər.

N.Paşinyandan sonra dövlətə xəyanətdə günahlandırılan digər şəxs isə heç bir ölkənin, hətta Ermənistanın belə tanımadığı, qondarma rejimin lideri Arayik Harutyunyandır. Azərbaycan PUA-larından qorxduğu üçün gizlənən A.Harutyunyan yenidən Rusiya sülhməramlılarının nümayəndəsi ilə görüşüb. 

Qeyd edək ki, Beynəlxalq Qızılxaç Komitəsinin prezidenti Peter Maurer bildirib ki, silahların susduğu cəbhə xəttində ölən 200 əsgərin meyitlərinin tərəflər arasında mübadiləsi gerçəkləşdirilib.