Krasnoyarsk şəhərində (Rusiya) kovid xəstəxanasında çalışan həkim Valeriy Təpkin COVID-19-u keçirmiş insanlara ağciyəri bərpa etmək üçün bəzi tövsiyələri verib.

Saglamolun.az Rusiaya KİV-lərinə istinadla bildirir ki, həkim evi daha tez-tez havalandırmağı və gün ərzində böyür və qarın üstə uzanmağı tövsiyə edir.

Həmçinin həkim nəfəsalma texnikasından (nəfəsalma gimnastikası) istifadə etməyi də tövsiyə edib.

1-ci məşq. Dərindən nəfəs alın, nəfəsinizi saxlayın, sonra yavaş-yavaş nəfəsinizi buraxın. Bunu 5 dəfə təkrar edin.

2-ci məşq. Dərindən nəfəs alın, nəfəsinizi saxlayın, sonra 2 dəfə öskürün. Bunun da 5 dəfə təkrar edin.

Bu məşqləri gündə bir neçə dəfə edin.

“Bu məşqləri tək koronavirusdan sağalmış xəstələr deyil, nəfəsalma orqanlarında problemləri olan hər kəs edə bilər. Məşqlərdən əvvəl müalicə həkiminizlə məsləhətləşin” – Təpkin əlavə edib.