Hər gün günəbaxan tumu yeyərək vaxtını keçirənlərin  bir çoxu bu məhsulun 300 qramının gündəlik kalori qəbuluna bərabər olduğunu bilmir.

 Dietoloqların verdiyi məlumata görə,  hətta 50 qram günəbaxan tumu, insanın E vitamini ilə gündəlik ehtiyacını təmin edir. Məhz o ürək-damar sisteminin işini normallaşdıraraq aterosklerozun erkən inkişafının qarşısını alır.

 Tumun tərkibində çox sayda maqnezium var. Maqnezium  çatışmazlığı ölkəmizin bir sıra sakinlərində də  praktik olaraq müşahidə olunur. Orqanizmdə maqneziumun normal səviyyəsi əzələ ağrılarını, yorğunluğu aradan qaldırır, əsəbləri sakitləşdirir və hətta miqrenlərin qarşısını alır.

Tumun normal porsiyası yaşlanmanı  və görmənin itməsini yavaşladır, dəri və saçların vəziyyətini yaxşılaşdırır.  Lakin bunun da bir əmması var !  Hər gün tum yeyirsinizsə, həzm sisteminin xəstəliklərini - qastrit, kolit, pankreatit, hətta mədə xorası  qazana  bilərsiniz.