Əməkdar artist Mətanət İsgəndərli sağalmaz xəstəliklə mübarizə apardığını deyib.

Oxu24.com xəbər verir ki, müğənni uşaqlıqdan allergiyadan əziyyət çəkdiyini, sonradan bronxlarına görə müalicə olunduğunu bildirib:

“Bronxlarımdan müalicə olundum. Türkiyəyə getdim, o həkim qalmadı ki, yanında olmayım. Duz dağında 20 gün yatdım. Amma müalicələrin xeyri olmadı. Deyirlər, bu xəstəlik birdəfəlik sağalmır.

Sənətçi iranlı həkimin məsləhəti ilə dovşan xaşı yediyini və bundan sonra səhhətinin yaxşılaşdığını etiraf edib:

“Utanıram da deməyə. İranlı həkim mənə məsləhət gördü ki, çöl dovşanını qaynadım, suyunu içim və ətini yeyim. Bütöv dovşanı qaynadıb soyuducuya qoydum. Hər gün həmin xaşın suyunu qızdırıb yarım stəkan içdim və bir-iki saatdan sonra ətindən yedim. Qışboyu istifadə etdim, hələ bir dəfə də olsun xəstələnməmişəm”.

Müğənni bu barədə ARB-nin “Elgizlə izlə” verilişində açıqlama verib.