Məlum olduğu kimi, Nazirlər Kabineti (NK) tərəfindən təsdiq edilmiş Tədbirlər Planında işsiz kimi qeydiyyata alınan şəxslərə aprel-may aylarında hər ay üçün yaşayış minimumu həcmində (190 manat) birdəfəlik ödəmə verilməsi nəzərdə tutulmuşdu. “24 saat” bildirir ki, işsiz vətəndaşların 190 manat birdəfəlik yardım almaları üçün Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin “Məşğulluq” altsistemində işsiz kimi qeydiyyatda olmaları tələb olunurdu. Əgər şəxs 1 aprel 2020 tarixinədək həmin altsistemdədirsə, ondan əlavə heç bir əməliyyat etmək tələb olunmadan 190 manat yardım verilməli idi. Əgər şəxs 1 aprel tarixindən sonra ƏƏSMN-in təqdim etdiyi e-sosial.az saytından qeydiyyatdan keçməyi bacarmışdısa, bu zaman həmin şəxs də, müvafiq məhdudiyyətlər istisna olmaqla dövlət tərəfindən ayrılmış 190 manat birdəfəlik yardım almaq hüququna sahib olurdu. Oxu24.com