Sosial şəbəkələrdə müxtəlif xəstəlikdən ölən şəxslərin yaxınlarına pul verildiyi və əvəzində onların razılığı ilə yaxınlarının koronavirusa yoluxma diaqnozundan öldüyünün qeydə alındığı barədə iddialar yayılıb. 
 
Oxu24.com  anews.az-a istinadən xəbər verir ki, Nazirlər Kabineti yanında  operativ qərargahın dünən keçirdiyi mətbuat konfransında   Tibbi Ərazi Bölmələrini İdarəetmə Birliyinin (TƏBİB) İdarə  Heyətinin sədri Ramin Bayramlı bu  məsələ barədə açıqlama verərək deyib ki, bu məlumatlar tamamilə yanlışdır.

"Belə mənbələrə qətiyyən inanmayın. Bu cür əsassız məlumatlara kimsə güvənməsin. Operativ qərargahın məlumatlarını əsas mənbə kimi qəbul edin.

Tam tərsinə, o cür məlumat yayanlarla da mübarizə aparmaq lazımdır".