Bakıda oğurluqla məşğul olan şəxs tutulub.

Oxu24.com  Daxili İşlər Nazirliyinə istinadən xəbər verir ki, Yasamal RPİ 26-cı PB əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən pul, mobil telefon və gümüş əşyalar, bir klinikadan isə içərisi boş olan seyfi oğurlamaqda şübhəli bilinən Bakı şəhər sakini, əvvəllər məhkum olunmuş E.Mirzəyev saxlanılıb.

Ətrafında aparılmış tədbirlərlə onun digər bir nəfərlə birgə rayon ərazisindəki kofe klubundan 8000 manat dəyərində kofe və avadanlıq oğurlaması da müəyyən edilib.

Araşdırmalar davam etdirilir.