ABŞ prezidenti Co Bayden Ağ Evdə rusiyalı müxalif siyasətçi Vladimir Kara-Murza və ailəsini qəbul edib.

“Vladimir Rusiyanın Ukraynadakı müharibəsinə qarşı çıxdığına görə iki il yarımı haqsız yerə Rusiyada həbsdə keçirdi. Bu gün onun ailəsi yenidən bir yerdədir”, - Bayden sosial şəbəkədə X yazıb.

Vladimir Kara-Murza Rusiyada ciddi rejimli koloniyada 25 il müddətinə azadlıqdan məhrum edilib. O, Rusiya ordusu haqqında “saxta xəbərlər” yaymaqda (CM-nin 207.3-cü maddəsinin 2-ci hissəsinin “e” bəndi), “arzuolunmaz təşkilatın” fəaliyyətində iştirakda (Cinayət Məcəlləsinin 284.1-ci maddəsinin 1-ci hissəsi) təqsirli bilinib.   Bu, müasir Rusiyada siyasi məhbuslara verilən ən ağır cəzalardan biridir.

1 avqust 2024-cü ildə Kara-Murza ABŞ, Rusiya və digər ölkələr arasında böyük mübadilə çərçivəsində sərbəst buraxıldı. Əvvəlcə Almaniyaya uçdu. Sərbəst buraxıldıqdan sonra keçirdiyi mətbuat konfransında siyasətçi bildirib ki, nə o, nə İlya Yaşin, nə də Andrey Pivovarov əfv üçün ərizə yazmayıb. Siyasətçi əlavə edib ki, bir gün Rusiyaya qayıtmağı planlaşdırır.

Miri