“Politico” mənbələrə istinadən yazır ki, Qərb ölkələri Co Baydenin Donald Trampla debatdakı zəifliyindən təşvişə düşüb.

Materialda qeyd edilir ki, xarici diplomatlar və rəsmilər tədbirdə Baydenin hərəkətlərindən məyusluq və həyəcan ifadə ediblər.

Həmçinin qeyd edilir  ki, Trampın çıxışı fonunda Baydenin zəifliyi daha da diqqəti çəkir.

“Bəziləri ABŞ-ın hazırkı prezidentinin nüvə fövqəldövlətinin lideri kimi ikinci müddətə hazır olması ilə bağlı narahatlıqlara eyham vurdular”, – Politico yazır.

Nəşr Avropa diplomatından sitat gətirir ki, Trampın yalanlarına baxmayaraq, izləyicilər “ən azı onun dediyini başa düşdülər” və bunu Co Bayden haqqında demək mümkün deyil. Digər həmsöhbətin sözlərinə görə, Bayden xarici siyasətlə bağlı mövqeyini təqdim edə bilməyib, Tramp isə bunu şişirdib.

ABŞ-ın müttəfiqləri hazırkı dövlət başçısından daha çox enerji gözləyirdilər, lakin diplomatlar arasında əsas mövzu demokratın yorğunluğu və iradəsizliyi olub, material qeyd edir.

Bundan əvvəl “Politico” yazıb ki, ABŞ Demokratlar Partiyasının bir sıra nümayəndələri Co Baydenin Donald Trampla debatda uğursuz çıxışı fonunda dövlət başçısı postuna başqa namizədlə əvəzlənməsinin mümkünlüyünü müzakirə etməyə başlayıblar.

Bundan əvvəl Bayden Trampla debatdakı performansını qiymətləndirmişdi.

Nigar