ABŞ dövlət katibi Antoni Blinken ölkəsinin Ermənistana 65 milyon dollardan çox yardım etməyi planlaşdırdığını bildirib.

Oxu24.com  xəbər  verir  ki , bu barədə RİA Novosti məlumat yayıb.

Onun sözlərinə görə, ABŞ Ermənistanın hökumət sahələri və iqtisadiyyatı ilə bağlı tədbirlərə sərmayə qoyur.

Blinkenin aydınlaşdırdığı kimi, bu respublikaya kömək üçün pul ABŞ-ın 2023-cü maliyyə ili üçün büdcə vəsaitlərindən ayrılacaq.

"Bu, iki il əvvəllə müqayisədə 50% çoxdur",deyə  o  bildirib.

Bundan bir qədər əvvəl Ermənistanın baş naziri Nikol Paşinyan aprelin 5-də Brüsseldə Avropa İttifaqı və ABŞ nümayəndələri ilə məsləhətləşmələri “əla” adlandırmışdı.

Paşinyan aprelin 5-də Brüsseldə Blinken və Avropa Komissiyasının rəhbəri Ursula fon der Leyenlə görüşüb. Tədbirin rəsmi məqsədi tərəflər arasında müxtəlif sahələrdə əməkdaşlığı dərinləşdirməkdir.

Ötən həftə Ermənistanın xarici işlər naziri Ararat Mirzoyan bildirib ki, Yerevan Amerika Birləşmiş Ştatları və Avropanı özünün əsas tərəfdaşları hesab edir, lakin bu, xarici siyasətdə dönüş demək deyil.

Bundan əvvəl Ermənistan Xarici İşlər Nazirliyi ölkənin NATO-ya qəbulu perspektivlərini dəyərləndirib.

Nigar