İranın xarici işlər naziri Hüseyn Əmir Abdullahiyan ABŞ-ın Qəzza zolağında atəşkəslə bağlı BMT Təhlükəsizlik Şurasının qətnaməsinə veto qoymasını “əsrin diplomatik fəlakəti” adlandırıb.

 

Oxu24.com  xəbər  verir  ki, Nazir fikirlərini X sosial şəbəkəsindəki (keçmiş Twitter) səhifəsində bildirib.

 

“ABŞ-ın BMT Təhlükəsizlik Şurasının Qəzzada dərhal atəşkəs tələb edən qətnaməsinə təkrar veto qoyması “əsrin diplomatik fəlakəti” adlandırılmalıdır”, - deyə nazir bildirib.

 

İran Xarici İşlər Nazirliyinin rəhbərinin sözlərinə görə, belə bir addım Qəzza zolağında “davam edən soyqırıma görə Ağ Evin məsuliyyətini açıq şəkildə yaradır”.

 

O vurğulayıb ki, bu baxımdan dünya Vaşinqtonun siyasətinə görə ABŞ-dan cavabdehlik daşımalıdır.

Bundan əvvəl Rusiya Federasiyasının BMT-dəki Daimi Nümayəndəliyinin birinci müavini Dmitri Polyanski bildirmişdi ki, Birləşmiş Ştatlar Qəzza zolağında atəşkəs tələb edən BMT Təhlükəsizlik Şurasının qətnamə layihəsini yenidən əngəlləyə bilər.

Daimi nümayəndənin müavini xatırladıb ki, Birləşmiş Ştatlar bu sənəddən razı deyil və “onlar veto hüququndan istifadə edəcəklərini artıq açıq şəkildə bəyan ediblər”.

 

Bu barədə daha əvvəl ABŞ-ın BMT-dəki daimi nümayəndəsi Linda Tomas-Qrinfild danışıb.

 

O qeyd edib ki, Birləşmiş Ştatlar qətnamə layihəsini bloklayarsa, bu, Fələstin HƏMAS hərəkatı ilə İsrail arasında münaqişənin ötən ilin oktyabrında kəskinləşməyə başlamasından bəri Amerikanın dördüncü vetosu olacaq.

Bundan əvvəl İsrail Qəzza zolağının gələcəyi ilə bağlı ABŞ-ın ideyasını rədd etmişdi.

 

Nigar 

 

Oxu24.com