Qərbi Virciniya ştatının baş prokuroru Patrick Morrisey vitse-prezident Kamala Harrisi ABŞ prezidenti Co Baydenə qarşı Konstitusiyaya edilən 25-ci düzəlişdən istifadə etməyə və onu vəzifəsindən uzaqlaşdırmağa çağırıb.

Oxu24.com  xəbər  verir  ki, sözügedən düzəliş həm də hazırkı prezidentin fiziki imkansızlığına görə vəzifəsindən uzaqlaşdırılmasını nəzərdə tutur.

“Prezident Baydenin idrak qabiliyyətinin azalması amerikalıları ciddi narahat edir, xüsusən də ölkəmiz həm burada, həm də xaricdə böhrandan sonra böhranla üzləşir. Bizə əqli cəhətdən sağlam prezident lazımdır”, - deyə Patrik Morrisi bildirib. Onun sözlərini The Hill nəşri sitat gətirir.

Nəşr qeyd edir ki, prokuror Respublikaçılar Partiyasındandır.

Morrisinin sözlərinə görə, onun çağırışı Co Baydenin məxfi sənədləri qanunsuz saxlaması işini araşdıran xüsusi prokuror Robert Hurun son hesabatından irəli gəlir. Fevralın 8-də xüsusi prokuror prezidentə qarşı cinayət ittihamı irəli sürməyi tövsiyə etdi, çünki qismən andlı iclasçılar onu “yaddaşı zəif olan yaşlı kişi” kimi qəbul edə bilərlər. İş materiallarında qeyd olunur ki, Co Bayden siyasi karyerası və şəxsi həyatının bir çox təfərrüatlarını xatırlamaqda çətinlik çəkib.

Fevralın 12-də vitse-prezident Kamala Harris “The Wall Street Jorunal” qəzetinə müsahibəsində bildirib ki, ehtiyac yaranarsa, ABŞ prezidenti vəzifəsini icra etməyə hazırdır. Eyni zamanda, WSJ mənbələrinə görə, demokratlar qarşıdan gələn prezident seçkilərində Co Baydenin başqa namizədlə əvəzlənməsi ilə bağlı ciddi söhbətlər aparmırlar.

Miri